yahan dekhun wahan dekhun jahan dekhun main kya dekhun

yahāñ dekhūñ vahāñ dekhūñ jahāñ dekhūñ maiñ kyā dekhūñ

kabhī ḳhud meñ tujhe dekhūñ kabhī tujh meñ ḳhudā dekhūñ

ġharaz ḳhud se nahīñ koī na chāhat hai zamāne kī

kahāñ hastī mirī phir jo tujhe ḳhud se judā dekhūñ

mohabbat kī nazar meñ yaar likkhī ho mohabbat bas

kabhī dekhūñ maiñ ḳhud ko to kabhī us kī vafā dekhūñ

na.ī manzil na.ī sūrat nayā manzar mirī fitrat

badaltā huuñ maiñ roz-o-shab Thikāna bhī nayā dekhūñ

vo ulfat kī nigāheñ hoñ vo chehroñ pe tabassum ho

muqaddas se darūñ dil pe likhā naame vafā dekhūñ

nafāsat aah bhartī hai zalālat khilkhilātī hai

ye be-adabī kī duniyā meñ kabhī ḳhud ko tanā dekhūñ

ye ik duniyā dikhe bāhar vo ik duniyā mire bhītar

batā mujh ko mire mālik kahāñ apnā patā dekhūñ

yahan dekhun wahan dekhun jahan dekhun main kya dekhun

kabhi KHud mein tujhe dekhun kabhi tujh mein KHuda dekhun

gharaz KHud se nahin koi na chahat hai zamane ki

kahan hasti meri phir jo tujhe KHud se juda dekhun

mohabbat ki nazar mein yar likkhi ho mohabbat bas

kabhi dekhun main KHud ko to kabhi us ki wafa dekhun

nai manzil nai surat naya manzar meri fitrat

badalta hun main roz-o-shab Thikana bhi naya dekhun

wo ulfat ki nigahen hon wo chehron pe tabassum ho

muqaddas se darun dil pe likha name wafa dekhun

nafasat aah bharti hai zalalat khilkhilati hai

ye be-adabi ki duniya mein kabhi KHud ko tana dekhun

ye ek duniya dikhe bahar wo ek duniya mere bhitar

bata mujh ko mere malik kahan apna pata dekhun