yahan ke hote hue hum magar wahan ke the

yahāñ ke hote hue ham magar vahāñ ke the

yaqīn jitne bhī the vo sabhī gumāñ ke the

jahāñ se zahr ḳharīdā hai tum ne mere liye

tumheñ jo phuul diye vo usī dukāñ ke the

isī chiḌhan se kiye jaate haiñ zamīñ barbād

ki ham sabhī kabhī bāshinde āsmāñ ke the

tere 'alāva ġhazal se pata lage sabhī ko

hamāre sab gile shikve jo darmiyāñ ke the

purāne zaḳhm na.e se yuuñ pūchhte haiñ pata

yahī ki ham to vahāñ ke the tum kahāñ ke the

jahāñ haiñ lagtā nahīñ aise āshiyāñ ke the

ki ham kitābī ḳhayālī kisī jahāñ ke the

yahan ke hote hue hum magar wahan ke the

yaqin jitne bhi the wo sabhi guman ke the

jahan se zahr KHarida hai tum ne mere liye

tumhein jo phul diye wo usi dukan ke the

isi chiDhan se kiye jate hain zamin barbaad

ki hum sabhi kabhi bashinde aasman ke the

tere 'alawa ghazal se pata lage sabhi ko

hamare sab gile shikwe jo darmiyan ke the

purane zaKHm nae se yun puchhte hain pata

yahi ki hum to wahan ke the tum kahan ke the

jahan hain lagta nahin aise aashiyan ke the

ki hum kitabi KHayali kisi jahan ke the