yahan kisi ko kisi par bhi etibar nahin
yahāñ kisī ko kisī par bhī e'tibār nahīñ
koī ḳhulūs nahīñ aur koī pyaar nahīñ
vo dekhne se ta'alluq zarūr rakhtā hai
magar mazāq-e-nazar yuuñ bhī baar baar nahīñ
sañbhal ke soch ke chhūnā shabāb kī mai ko
ye vo sharāb hai jis kā koī utaar nahīñ
tum apne zehnoñ ko shaffāf kyoñ nahīñ rakhte
hamāre shīsha-e-dil par koī ġhubār nahīñ
luTā dī ġhair ke narġhe meñ har ḳhushī apnī
hamārī tarh koī bhī to jāñ-nisār nahīñ
nazar se moḌ duuñ mauj-e-balā magar 'sābir'
tirī nazar meñ yaqīñ sabr inkisār nahīñ
yahan kisi ko kisi par bhi e'tibar nahin
koi KHulus nahin aur koi pyar nahin
wo dekhne se ta'alluq zarur rakhta hai
magar mazaq-e-nazar yun bhi bar bar nahin
sanbhal ke soch ke chhuna shabab ki mai ko
ye wo sharab hai jis ka koi utar nahin
tum apne zehnon ko shaffaf kyon nahin rakhte
hamare shisha-e-dil par koi ghubar nahin
luTa di ghair ke narghe mein har KHushi apni
hamari tarh koi bhi to jaan-nisar nahin
nazar se moD dun mauj-e-bala magar 'sabir'
teri nazar mein yaqin sabr inkisar nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.