yahan kya hai wahan kya hai idhar kya hai udhar kya hai
yahan kya hai wahan kya hai idhar kya hai udhar kya hai
Mubarak Azimabadi
MORE BYMubarak Azimabadi
yahāñ kyā hai vahāñ kyā hai idhar kyā hai udhar kyā hai
koī samjhe to kyā samjhe vo nairañg-e-nazar kyā hai
na ho jis sar meñ saudā sarfaroshī kā vo sar kyā hai
na phūñke ḳhirman-e-hastī to vo soz-e-jigar kyā hai
tire andāz ke bismil haiñ ham ham se koī pūchhe
tirī bāñkī adā kyā hai tirī tirchhī nazar kyā hai
jahāñ sāmān vahshat ke use vahshat-sarā kahiye
jahāñ asbāb-e-vīrānī vo vīrāna hai ghar kyā hai
ga.e vo aur ye kahte ga.e o jazb-e-dil vaale
mujhe bhī dekhnā hai jazba-e-dil kā asar kyā hai
yahan kya hai wahan kya hai idhar kya hai udhar kya hai
koi samjhe to kya samjhe wo nairang-e-nazar kya hai
na ho jis sar mein sauda sarfaroshi ka wo sar kya hai
na phunke KHirman-e-hasti to wo soz-e-jigar kya hai
tere andaz ke bismil hain hum hum se koi puchhe
teri banki ada kya hai teri tirchhi nazar kya hai
jahan saman wahshat ke use wahshat-sara kahiye
jahan asbab-e-virani wo virana hai ghar kya hai
gae wo aur ye kahte gae o jazb-e-dil wale
mujhe bhi dekhna hai jazba-e-dil ka asar kya hai
- Book : intekhaab-e-kalaam (Pg. 31)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
