yahan nahin hai wahan nahin hai idhar nahin hai udhar nahin hai

yahāñ nahīñ hai vahāñ nahīñ hai idhar nahīñ hai udhar nahīñ hai

magar kisī tarah dil nahīñ māntā ki vo jalva-gar nahīñ hai

kisī bhī dar par ilāj-e-āvezish-e-yaqīn-o-gumāñ na hogā

idhar chalā aa ki mai-kade meñ agar nahīñ hai magar nahīñ hai

hazār-hā sāmne kī bātoñ se jaan paḌtī hai shā.irī meñ

vo kaun se pesh-e-pā mazāmīñ haiñ jin pe merī nazar nahīñ hai

jabīñ pe biñdī nazar meñ jaadū laboñ pa bijlī kamar pe gesū

vo merī hairat ko dekhte haiñ unheñ kuchh apnī ḳhabar nahīñ hai

nahīñ jo qāsid kā ānā-jānā fareb khāne lagā zamāna

to ye haqīqat ki rabt-e-behad ko hājat-e-nāma-bar nahīñ hai

naqāb uThne meñ der kyoñ hai ye kaun samjhe ye kaun jaane

kise ḳhabar hai ki ḳhvāhish-e-dīd vaqt se peshtar nahīñ hai

ġhalat-bayānī se 'shād' ahl-e-suḳhan abhī kaam le rahe haiñ

nahīñ hai har-chand vo zamāna dahan nahīñ hai kamar nahīñ hai

yahan nahin hai wahan nahin hai idhar nahin hai udhar nahin hai

magar kisi tarah dil nahin manta ki wo jalwa-gar nahin hai

kisi bhi dar par ilaj-e-awezish-e-yaqin-o-guman na hoga

idhar chala aa ki mai-kade mein agar nahin hai magar nahin hai

hazar-ha samne ki baaton se jaan paDti hai shairi mein

wo kaun se pesh-e-pa mazamin hain jin pe meri nazar nahin hai

jabin pe bindi nazar mein jadu labon pa bijli kamar pe gesu

wo meri hairat ko dekhte hain unhen kuchh apni KHabar nahin hai

nahin jo qasid ka aana-jaana fareb khane laga zamana

to ye haqiqat ki rabt-e-behad ko hajat-e-nama-bar nahin hai

naqab uThne mein der kyon hai ye kaun samjhe ye kaun jaane

kise KHabar hai ki KHwahish-e-did waqt se peshtar nahin hai

ghalat-bayani se 'shad' ahl-e-suKHan abhi kaam le rahe hain

nahin hai har-chand wo zamana dahan nahin hai kamar nahin hai