yahi be-laus mohabbat yahi gham-KHwari-e-KHalq

yahī be-laus mohabbat yahī ġham-ḳhvāri-e-ḳhalq

aur merāj kise kahte haiñ insānoñ kī

naam hai kyā isī hañgāme kā āġhāz-e-shabāb

ek āñdhī sī chalī aatī hai armānoñ kī

jis qadar ishq se hotī hai fuzūñ vus.at-e-fikr

aql rakhtī hai binā.eñ na.e zindānoñ kī

apnī maut apnī tabāhī kī taraf kyā dekheñ

ki nigāheñ taraf-e-sham.a haiñ parvānoñ kī

ho ga.ī umr bahāroñ ke tasavvur meñ tamām

sair karte rahe nā-dīd gulistānoñ kī

mā-sivā is ke nahīñ aur kuchh afsāna-e-hind

ek tārīḳh hai ujḌe hue kāshānoñ kī

yahi be-laus mohabbat yahi gham-KHwari-e-KHalq

aur meraj kise kahte hain insanon ki

nam hai kya isi hangame ka aaghaz-e-shabab

ek aandhi si chali aati hai armanon ki

jis qadar ishq se hoti hai fuzun wusat-e-fikr

aql rakhti hai binaen nae zindanon ki

apni maut apni tabahi ki taraf kya dekhen

ki nigahen taraf-e-shama hain parwanon ki

ho gai umr bahaaron ke tasawwur mein tamam

sair karte rahe na-did gulistanon ki

ma-siwa is ke nahin aur kuchh afsana-e-hind

ek tariKH hai ujDe hue kashanon ki