yahi dua hai koi sham be-sahar na rahe

yahī du'ā hai koī shaam be-sahar na rahe

sukūt-e-shab meñ koī āh-e-be-asar na rahe

matā'-e-saif-o-qalam baañT do zamāne ko

bayān-e-kaifiyat-e-dil meñ koī Dar na rahe

jalāo tīra-shabī meñ diye nigāhoñ ke

añdherī raat ujāloñ se be-ḳhabar na rahe

banā do dair-o-haram ko milāp kā markaz

du'ā-e-shaiḳh-o-barahman meñ kuchh asar na rahe

haiñ sarbarāh jo ab kārvān-e-millat ke

ab un ke qaul zamāne meñ mo'tabar na rahe

ḳhulūs-e-mehr-o-muravvat se jo kareñ ḳhidmat

hamāre 'ahd meñ ab aise chārāgar na rahe

charāġh aise jalāo fusūn-e-shab ke liye

vujūd-e-tīra-shabī kī unheñ ḳhabar na rahe

yahi du'a hai koi sham be-sahar na rahe

sukut-e-shab mein koi aah-e-be-asar na rahe

mata'-e-saif-o-qalam banT do zamane ko

bayan-e-kaifiyat-e-dil mein koi Dar na rahe

jalao tira-shabi mein diye nigahon ke

andheri raat ujalon se be-KHabar na rahe

bana do dair-o-haram ko milap ka markaz

du'a-e-shaiKH-o-barahman mein kuchh asar na rahe

hain sarbarah jo ab karwan-e-millat ke

ab un ke qaul zamane mein mo'tabar na rahe

KHulus-e-mehr-o-murawwat se jo karen KHidmat

hamare 'ahd mein ab aise chaaragar na rahe

charagh aise jalao fusun-e-shab ke liye

wujud-e-tira-shabi ki unhen KHabar na rahe