yahi tewar samay ka khal raha hai
yahī tevar samay kā khal rahā hai
batānā chāhtī huuñ Tal rahā hai
baḌī hī duur manzil vasl kī hai
aur us pe hijr paidal chal rahā hai
ḳhabar us ḳhvāb kī ho sham' ko bhī
havā kī aañkh meñ jo pal rahā hai
rakho dānā.iyāñ ḳhāmosh apnī
yahāñ zikr-e-mohabbat chal rahā hai
use shikva hai ik tinke se bhī aur
sarāpā mujh meñ ik jangal rahā hai
tirī ḳhāmoshiyoñ kā qatra qatra
tavīl ik dāstāñ meñ Dhal rahā hai
yahi tewar samay ka khal raha hai
batana chahti hun Tal raha hai
baDi hi dur manzil wasl ki hai
aur us pe hijr paidal chal raha hai
KHabar us KHwab ki ho sham' ko bhi
hawa ki aankh mein jo pal raha hai
rakho danaiyan KHamosh apni
yahan zikr-e-mohabbat chal raha hai
use shikwa hai ek tinke se bhi aur
sarapa mujh mein ek jangal raha hai
teri KHamoshiyon ka qatra qatra
tawil ek dastan mein Dhal raha hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
