yahi to soch ke halkan tha main sara din

yahī to soch ke halkān thā maiñ saarā din

ki mere baa'd bhī kaTtā rahā tumhārā din

mujhe pata hai tirā falsafa zarūrat hai

isī liye to mire baa'd bhī guzārā din

ham aaj shaam se pahle na lauT pā.eñge

kahāñ ye lambā safar aur kahāñ hamārā din

ham ahl-e-hijr haiñ rātoñ ko jāgne vaale

hamāre vāste tū ne nahīñ utārā din

hameñ bhī vasl ke lamhe 'azīz haiñ jānāñ

hameñ bhī zindagī se de koī udhārā din

hasīn lagne lagī hai tamām duniyā mujhe

tumhārī aañkh ne aise mirā sañvārā din

yahi to soch ke halkan tha main sara din

ki mere ba'd bhi kaTta raha tumhaara din

mujhe pata hai tera falsafa zarurat hai

isi liye to mere ba'd bhi guzara din

hum aaj sham se pahle na lauT paenge

kahan ye lamba safar aur kahan hamara din

hum ahl-e-hijr hain raaton ko jagne wale

hamare waste tu ne nahin utara din

hamein bhi wasl ke lamhe 'aziz hain jaanan

hamein bhi zindagi se de koi udhaara din

hasin lagne lagi hai tamam duniya mujhe

tumhaari aankh ne aise mera sanwara din