yak-ba-yak dil se tera jalwa-numa ho jaana

yak-ba-yak dil se tirā jalva-numā ho jaanā

vo mirā husn ke sho.aloñ meñ fanā ho jaanā

dekh dil ko mire tū ne na agar dekhā ho

TuuT kar saaz kā mahrūm-e-sadā ho jaanā

al-amāñ kī rasan-o-dār se aatī hai sadā

koī āsāñ hai gunahgār-e-vafā ho jaanā

mujh se tark-e-gunah-e-ishq kā tū ahd na le

ki maiñ insān huuñ mumkin hai ḳhatā ho jaanā

lazzat-e-ishq kī mazbūt huiiñ buniyādeñ

aa gayā dard-e-mohabbat ko davā ho jaanā

vo girah-bandī-e-taqdīr tasavvur meñ tire

vo tabassum kā tire uqda-kushā ho jaanā

jazba-e-ishq kī ye shān-e-talavvun tauba

kabhī dard aur kabhī dast-e-duā ho jaanā

'ārzū' kī qasam ai kūcha-e-jānāñ tujh ko

kis se sīkhā tire zarroñ ne ḳhudā ho jaanā

yak-ba-yak dil se tera jalwa-numa ho jaana

wo mera husn ke shoalon mein fana ho jaana

dekh dil ko mere tu ne na agar dekha ho

TuT kar saz ka mahrum-e-sada ho jaana

al-aman ki rasan-o-dar se aati hai sada

koi aasan hai gunahgar-e-wafa ho jaana

mujh se tark-e-gunah-e-ishq ka tu ahd na le

ki main insan hun mumkin hai KHata ho jaana

lazzat-e-ishq ki mazbut huin buniyaaden

aa gaya dard-e-mohabbat ko dawa ho jaana

wo girah-bandi-e-taqdir tasawwur mein tere

wo tabassum ka tere uqda-kusha ho jaana

jazba-e-ishq ki ye shan-e-talawwun tauba

kabhi dard aur kabhi dast-e-dua ho jaana

'arzu' ki qasam ai kucha-e-jaanan tujh ko

kis se sikha tere zarron ne KHuda ho jaana