yaKH-basta ThanDakon mein ujala jaDa hua

yaḳh-basta ThanDakoñ meñ ujālā jaḌā huā

kohre ke saath raah pe kuuḌā paḌā huā

ab bhī buland-tar haiñ sipāh-e-ḳhudā ke sar

parcham hai ab bhī chob-e-alam par chaḌhā huā

namrūd kī chitā kahīñ paaTā hai karbalā

har jug meñ imtihān hamārā kaḌā huā

be-ābrū hai fan abhī āvāz be-badan

sar par abhī hai hijr kā bādal khaḌā huā

chāhat kī intihā kabhī terī mirī vafā

ijrā kā mājrā kabhī kachchā ghaḌā huā

kuchh ḳhvāb kuchh gulāb the chehre ke ās-pās

dekhā tujhe to hausla dil ko baḌā huā

jug jīvanoñ se ruuh tirī ruuh meñ nihāñ

jug jīvanoñ se dil tire dil se uḌā huā

dilbar ke darshnā se daraktī huī nazar

akhiyoñ saḌī salakhiyoñ ko nashsha laḌā huā

chipkī thī pankhuḌī koī us lab se ek shab

aamoñ kā baur thā sar-e-gesū jhaḌā huā

yaKH-basta ThanDakon mein ujala jaDa hua

kohre ke sath rah pe kuDa paDa hua

ab bhi buland-tar hain sipah-e-KHuda ke sar

parcham hai ab bhi chob-e-alam par chaDha hua

namrud ki chita kahin paTa hai karbala

har jug mein imtihan hamara kaDa hua

be-abru hai fan abhi aawaz be-badan

sar par abhi hai hijr ka baadal khaDa hua

chahat ki intiha kabhi teri meri wafa

ijra ka majra kabhi kachcha ghaDa hua

kuchh KHwab kuchh gulab the chehre ke aas-pas

dekha tujhe to hausla dil ko baDa hua

jug jiwanon se ruh teri ruh mein nihan

jug jiwanon se dil tere dil se uDa hua

dilbar ke darshna se darakti hui nazar

akhiyon saDi salakhiyon ko nashsha laDa hua

chipki thi pankhuDi koi us lab se ek shab

aamon ka baur tha sar-e-gesu jhaDa hua