yaksan sabhi ka haal nahin hai to kyon nahin

yaksāñ sabhī kā haal nahīñ hai to kyoñ nahīñ

tujh ko jo ye ḳhayāl nahīñ hai to kyoñ nahīñ

tanqīd-o-tanz kī sabhī zarboñ ke bāvajūd

shīshoñ meñ koī baal nahīñ hai to kyoñ nahīñ

ā.īnoñ ko dikhā sakeñ be-ḳhauf aa.ina

logoñ meñ ye majāl nahīñ hai to kyoñ nahīñ

bas ek hī savāl masīhā-e-vaqt se

zaḳhmoñ kā indimāl nahīñ hai to kyoñ nahīñ

dhoke daġhā fareb siyāsat ko kyoñ uruuj

shā.ir ko ye ḳhayāl nahīñ hai to kyoñ nahīñ

holī to aa.ī hai vahī lekin hai baat kyā

chehroñ pe vo gulāl nahīñ hai to kyoñ nahīñ

kuchh fikr ho to tujh ko 'sa.ādat' ye fikr ho

terī koī misāl nahīñ hai to kyoñ nahīñ

yaksan sabhi ka haal nahin hai to kyon nahin

tujh ko jo ye KHayal nahin hai to kyon nahin

tanqid-o-tanz ki sabhi zarbon ke bawajud

shishon mein koi baal nahin hai to kyon nahin

aainon ko dikha saken be-KHauf aaina

logon mein ye majal nahin hai to kyon nahin

bas ek hi sawal masiha-e-waqt se

zaKHmon ka indimal nahin hai to kyon nahin

dhoke dagha fareb siyasat ko kyon uruj

shair ko ye KHayal nahin hai to kyon nahin

holi to aai hai wahi lekin hai baat kya

chehron pe wo gulal nahin hai to kyon nahin

kuchh fikr ho to tujh ko 'saadat' ye fikr ho

teri koi misal nahin hai to kyon nahin