yaqin sab kuchh guman kuchh bhi nahin hai

yaqīñ sab kuchh gumāñ kuchh bhī nahīñ hai

jahāñ meñ jāvedāñ kuchh bhī nahīñ hai

farā.ez haiñ amal hai yā ḳhudā hai

sivā us ke jahāñ kuchh bhī nahīñ hai

aqīdat raah dikhlātī rahī hai

nishān-e-be-nishāñ kuchh bhī nahīñ hai

zamīñ terī falak terā ḳhudāyā

hamārā to yahāñ kuchh bhī nahīñ hai

dil-e-pur-dard pahlū meñ liye haiñ

kaheñ kaise ki haañ kuchh bhī nahīñ hai

ḳhalā hai ek siine meñ hamāre

yahīñ kuchh thā jahāñ kuchh bhī nahīñ hai

tamanna kis liye hai zindagī kī

agar umr-e-ravāñ kuchh bhī nahīñ hai

talāsh-e-mustaqil hī zindagī hai

yaqīñ hai ye gumāñ kuchh bhī nahīñ hai

tasavvur aap kā laayā vahāñ par

jahāñ par āsmāñ kuchh bhī nahīñ hai

hamārī aql par parda paḌā hai

haqīqat meñ nihāñ kuchh bhī nahīñ hai

'sadaf' ke dil meñ hai vahdat kā jalva

magar vird-e-zabāñ kuchh bhī nahīñ hai

yaqin sab kuchh guman kuchh bhi nahin hai

jahan mein jawedan kuchh bhi nahin hai

faraez hain amal hai ya KHuda hai

siwa us ke jahan kuchh bhi nahin hai

aqidat rah dikhlati rahi hai

nishan-e-be-nishan kuchh bhi nahin hai

zamin teri falak tera KHudaya

hamara to yahan kuchh bhi nahin hai

dil-e-pur-dard pahlu mein liye hain

kahen kaise ki han kuchh bhi nahin hai

KHala hai ek sine mein hamare

yahin kuchh tha jahan kuchh bhi nahin hai

tamanna kis liye hai zindagi ki

agar umr-e-rawan kuchh bhi nahin hai

talash-e-mustaqil hi zindagi hai

yaqin hai ye guman kuchh bhi nahin hai

tasawwur aap ka laya wahan par

jahan par aasman kuchh bhi nahin hai

hamari aql par parda paDa hai

haqiqat mein nihan kuchh bhi nahin hai

'sadaf' ke dil mein hai wahdat ka jalwa

magar wird-e-zaban kuchh bhi nahin hai