yaqin se phuTti hai ya guman se aati hai

yaqīñ se phūTtī hai yā gumāñ se aatī hai

ye dil meñ raushnī āḳhir kahāñ se aatī hai

makāñ jale haiñ makīnoñ ke qatl-e-ām ke baa'd

mahak lahū kī umañDte dhuāñ se aatī hai

payām laatī hai auj-e-firāq kā mujh tak

havā jo mil ke mire mehrbāñ se aatī hai

qarār detī hai vo aa.ine ko manzil-e-dīd

jo gard uḌ ke abhī kārvāñ se aatī hai

ziyā-e-roz-e-azal zulmat-e-shabān-e-girāñ

fazā hai jo bhī isī āsmāñ se aatī hai

hamīñ na jā sake sajde meñ vasl paane ko

sadā to ab bhī 'tarāz' āstāñ se aatī hai

yaqin se phuTti hai ya guman se aati hai

ye dil mein raushni aaKHir kahan se aati hai

makan jale hain makinon ke qatl-e-am ke ba'd

mahak lahu ki umanDte dhuan se aati hai

payam lati hai auj-e-firaq ka mujh tak

hawa jo mil ke mere mehrban se aati hai

qarar deti hai wo aaine ko manzil-e-did

jo gard uD ke abhi karwan se aati hai

ziya-e-roz-e-azal zulmat-e-shaban-e-giran

faza hai jo bhi isi aasman se aati hai

hamin na ja sake sajde mein wasl pane ko

sada to ab bhi 'taraaz' aastan se aati hai