yaqin tak aaega ek din guman ghalat tha main

yaqīñ tak aa.egā ik din gumāñ ġhalat thā maiñ

mujhe lagā thā chhañTegā dhuāñ ġhalat thā maiñ

mirī taḌap pe bhī āñkhoñ meñ terī ashk na the

mujhe yaqīn huā tab ki haañ ġhalat thā maiñ

nazar meñ aks tirā dil meñ terā dard liye

maiñ kab se soch rahā huuñ kahāñ ġhalat thā maiñ

lagā thā ashkoñ se dhul jā.eñge malāl ke daaġh

magar haiñ dil pe abhī tak nishāñ ġhalat thā maiñ

mirā junūn thā qurbat ke rat-jage lekin

mirā nasīb hai tanhā.iyāñ ġhalat thā maiñ

yaqin tak aaega ek din guman ghalat tha main

mujhe laga tha chhanTega dhuan ghalat tha main

meri taDap pe bhi aankhon mein teri ashk na the

mujhe yaqin hua tab ki han ghalat tha main

nazar mein aks tera dil mein tera dard liye

main kab se soch raha hun kahan ghalat tha main

laga tha ashkon se dhul jaenge malal ke dagh

magar hain dil pe abhi tak nishan ghalat tha main

mera junun tha qurbat ke rat-jage lekin

mera nasib hai tanhaiyan ghalat tha main