yaqinan aapko dhoka hua hai

yaqīnan aap ko dhokā huā hai

vagarna kyā kabhī aisā huā hai

ye kis ke husn kā charchā huā hai

ki saarā shahr dīvāna huā hai

charāġh-e-dard raushan ho udhar bhī

idhar hī zaḳhm kyoñ taaza huā hai

hameñ bhī ḳhaak honā hai vahāñ tak

jahāñ tak āsmāñ phailā huā hai

maiñ jis se ḳhud kināra kar chukā thā

muqābil phir vahī dariyā huā hai

kajī hai ḳhud hamāre dekhne meñ

ki ruḳh us kā hī kuchh badlā huā hai

abhī kyā jaan kī baazī lagā.eñ

abhī nuqsān hī kitnā huā hai

yaqinan aap ko dhoka hua hai

wagarna kya kabhi aisa hua hai

ye kis ke husn ka charcha hua hai

ki sara shahr diwana hua hai

charagh-e-dard raushan ho udhar bhi

idhar hi zaKHm kyon taza hua hai

hamein bhi KHak hona hai wahan tak

jahan tak aasman phaila hua hai

main jis se KHud kinara kar chuka tha

muqabil phir wahi dariya hua hai

kaji hai KHud hamare dekhne mein

ki ruKH us ka hi kuchh badla hua hai

abhi kya jaan ki bazi lagaen

abhi nuqsan hi kitna hua hai