yaqinan be-aman be-asra hone se Darta hai

yaqīnan be-amāñ be-āsrā hone se Dartā hai

ye shahr-e-zindagī phir karbalā hone se Dartā hai

tirī hī zaat meñ nūr-e-ḳhudāvandī hai jalva-gar

ta.ajjub hai ki tū ḳhud meñ fanā hone se Dartā hai

ye kaisā aa.ina hai jo haqīqat ko chhupātā hai

vo ā.īna hī kyā jo aa.ina hone se Dartā hai

ise tauhīn-e-bāl-o-par na kahiyegā to kyā kahiye

vo taa.ir jo giraftār-e-havā hone se Dartā hai

na jaane irtiqā kī kaun sī manzil meñ hai duniyā

ki beTā bhī ab apne baap kā hone se Dartā hai

ise ham intihā-e-ehtiyāt-e-ishq kahte haiñ

faqīr-e-ishq dar par bhī khaḌā hone se Dartā hai

yaqinan be-aman be-asra hone se Darta hai

ye shahr-e-zindagi phir karbala hone se Darta hai

teri hi zat mein nur-e-KHudawandi hai jalwa-gar

tajjub hai ki tu KHud mein fana hone se Darta hai

ye kaisa aaina hai jo haqiqat ko chhupata hai

wo aaina hi kya jo aaina hone se Darta hai

ise tauhin-e-baal-o-par na kahiyega to kya kahiye

wo tair jo giraftar-e-hawa hone se Darta hai

na jaane irtiqa ki kaun si manzil mein hai duniya

ki beTa bhi ab apne bap ka hone se Darta hai

ise hum intiha-e-ehtiyat-e-ishq kahte hain

faqir-e-ishq dar par bhi khaDa hone se Darta hai