ye aagahi hai jo karti hai mujhko zat mein gum

ye āgahī hai jo kartī hai mujh ko zaat meñ gum

phir is ke ba.ad maiñ hotā huuñ shash-jahāt meñ gum

ye kā.enāt mirī jaan qufl-e-abjad hai

maiñ kholtā huuñ ise kar ke mumkināt meñ gum

ye dā.ere haiñ tumheñ phir se qaid kar leñge

fanā se nikle to ho jāoge sabāt meñ gum

maiñ karbalā huuñ mujhe dekh merī qāmat dekh

zamāna kar nahīñ saktā mujhe furāt meñ gum

tirī judā.ī kā nīlam alag se rakkhā hai

kiyā nahīñ use duniyā ke zevrāt meñ gum

mirā buḌhāpā mirī ruuh kī talāsh meñ hai

mirī javānī badan ke lavāzimāt meñ gum

maiñ ilm huuñ mujhe tasḳhīr karnā aatā hai

vo jahl thā jo huā terī kā.enāt meñ gum

ye aagahi hai jo karti hai mujh ko zat mein gum

phir is ke baad main hota hun shash-jahat mein gum

ye kaenat meri jaan qufl-e-abjad hai

main kholta hun ise kar ke mumkinat mein gum

ye daere hain tumhein phir se qaid kar lenge

fana se nikle to ho jaoge sabaat mein gum

main karbala hun mujhe dekh meri qamat dekh

zamana kar nahin sakta mujhe furaat mein gum

teri judai ka nilam alag se rakkha hai

kiya nahin use duniya ke zewraat mein gum

mera buDhapa meri ruh ki talash mein hai

meri jawani badan ke lawazimat mein gum

main ilm hun mujhe tasKHir karna aata hai

wo jahl tha jo hua teri kaenat mein gum