ye apna shahr jo hai dasht-e-be-aman hi to hai

ye apnā shahr jo hai dasht-e-be-amāñ hī to hai

is e'tibār se dil dard kā makāñ hī to hai

nahīñ hai pursish-e-ahvāl ke liye koī

bas ek majma.a-e-arvāh-e-raftagāñ hī to hai

ye dāstān-e-tamannā ajab sahī phir bhī

bhulā hī degā zamāna ki dāstāñ hī to hai

ye aur baat abhī inqalāb aa jaa.e

hayāt varna abhī tak vabāl-e-jāñ hī to hai

sukūñ kā ek bhī lamha ho kyuuñ muqaddar meñ

ye ahd-e-zīst bhī daur-e-sitam-garāñ hī to hai

rulā diyā hai ghaTā ke sulūk ne 'bedī'

magar ye tishna-labī ek imtihāñ hī to hai

ye apna shahr jo hai dasht-e-be-aman hi to hai

is e'tibar se dil dard ka makan hi to hai

nahin hai pursish-e-ahwal ke liye koi

bas ek majma-e-arwah-e-raftagan hi to hai

ye dastan-e-tamanna ajab sahi phir bhi

bhula hi dega zamana ki dastan hi to hai

ye aur baat abhi inqalab aa jae

hayat warna abhi tak wabaal-e-jaan hi to hai

sukun ka ek bhi lamha ho kyun muqaddar mein

ye ahd-e-zist bhi daur-e-sitam-garan hi to hai

rula diya hai ghaTa ke suluk ne 'bedi'

magar ye tishna-labi ek imtihan hi to hai