ye aur baat ki aankhen hamari nam bhi nahin

ye aur baat ki āñkheñ hamārī nam bhī nahīñ

magar malāl ziyāda nahīñ to kam bhī nahīñ

maiñ us maqām pe pahuñchā huuñ mar ke ham-safarāñ

kisī kā saath mayassar nahīñ to ġham bhī nahīñ

karam kī ḳhair tavaqqo' kisī se kyā karte

vo be-ruḳhī hai ki apnoñ ke ab sitam bhī nahīñ

kisī ko haal sunā.eñ to kyā sunā.eñ ham

tumheñ to yaar tamīz-e-‘atā-e-ġham bhī nahīñ

thakan kā shor machāte hue nahīñ thakte

vo jin kī raah meñ raḳhna to duur ḳham bhī nahīñ

nahīñ ki sirf nazāre hī maañd paḌne lage

'zahīr' aañkh kī hairat meñ ab vo dam bhī nahīñ

ye aur baat ki aankhen hamari nam bhi nahin

magar malal ziyaada nahin to kam bhi nahin

main us maqam pe pahuncha hun mar ke ham-safaran

kisi ka sath mayassar nahin to gham bhi nahin

karam ki KHair tawaqqo' kisi se kya karte

wo be-ruKHi hai ki apnon ke ab sitam bhi nahin

kisi ko haal sunaen to kya sunaen hum

tumhein to yar tamiz-e-‘ata-e-gham bhi nahin

thakan ka shor machate hue nahin thakte

wo jin ki rah mein raKHna to dur KHam bhi nahin

nahin ki sirf nazare hi mand paDne lage

'zahir' aankh ki hairat mein ab wo dam bhi nahin