ye bar bar ka bohtan hum pe jhuTa hai

ye baar baar kā bohtān ham pe jhūTā hai

hamārā dil to faqat ek baar TuuTā hai

vo sanglāḳh chaTāneñ hamāre andar haiñ

hamārī aañkh kā chashma vahīñ se phūTā hai

ḳhushī ġhamī meñ barābar sharīk hote haiñ

chaman ke haal se vāqif har ek buuTā hai

gila-guzār huuñ maiñ dushmanoñ se is liye bhī

mujhe hamesha mire dostoñ ne luuTā hai

vo jaise machhlī nikaltī hai aa ke kāñTe se

hamāre haath se dāman qazā kā chhūTā hai

mile haiñ kitne hī qad kaaTh vaale logoñ se

jise bhī dekhiye andar se vo zakūTā hai

lagegī der tanāvar daraḳht banñe meñ

abhī to hijr ye parvān chaḌhtā buuTā hai

kahīñ darāḌ vo ġham kā pahāḌ TūTne kī

zamīn TuuTī hai na āsmān TuuTā hai

ye bar bar ka bohtan hum pe jhuTa hai

hamara dil to faqat ek bar TuTa hai

wo sanglaKH chaTanen hamare andar hain

hamari aankh ka chashma wahin se phuTa hai

KHushi ghami mein barabar sharik hote hain

chaman ke haal se waqif har ek buTa hai

gila-guzar hun main dushmanon se is liye bhi

mujhe hamesha mere doston ne luTa hai

wo jaise machhli nikalti hai aa ke kanTe se

hamare hath se daman qaza ka chhuTa hai

mile hain kitne hi qad kaTh wale logon se

jise bhi dekhiye andar se wo zakuTa hai

lagegi der tanawar daraKHt banne mein

abhi to hijr ye parwan chaDhta buTa hai

kahin daraD wo gham ka pahaD TuTne ki

zamin TuTi hai na aasman TuTa hai