ye barik unki kamar ho gai

ye bārīk un kī kamar ho ga.ī

ki nazroñ meñ tār-e-nazar ho ga.ī

paḌā donoñ zulfoñ kā un kī jo aks

nazākat se dohrī kamar ho ga.ī

gale chaḌhne mastī meñ mastoñ ke muñh

baḌī duḳhtar-e-raz ye niDar ho ga.ī

vo ab kaaT teġh-e-nigah kā nahīñ

kuchh āñkhoñ par un kī nazar ho ga.ī

mirā naqd-e-dil maar baiThe hasīñ

ye daulat idhar se udhar ho ga.ī

kiyā un ke muñh pe jo vasf-e-dahan

faqat ranjish is baat par ho ga.ī

khulī ḳhvāb-e-ġhaflat se piirī meñ aañkh

shab-e-naujavānī sahar ho ga.ī

lifāfe par apnā na likkhā thā naam

ḳhatā itnī ai nāma-bar ho ga.ī

kiyā hañs ke sun kar savāl-e-visāl

tumheñ jur.at ab is qadar ho ga.ī

qadam rakhte hī khaḌkhaḌā maar rīchh

adū un kī zanjīr-e-dar ho ga.ī

ajal se koī kah de phir jaa.e aap

masīhā ko mere ḳhabar ho ga.ī

na jhūToñ bhī utnā kisī ne kahā

shab-e-ġham tirī be-sahar ho ga.ī

bure yā bhale haal guzrī 'qalaq'

ġharaz har tarah se basar ho ga.ī

ye barik un ki kamar ho gai

ki nazron mein tar-e-nazar ho gai

paDa donon zulfon ka un ki jo aks

nazakat se dohri kamar ho gai

gale chaDhne masti mein maston ke munh

baDi duKHtar-e-raz ye niDar ho gai

wo ab kaT tegh-e-nigah ka nahin

kuchh aankhon par un ki nazar ho gai

mera naqd-e-dil mar baiThe hasin

ye daulat idhar se udhar ho gai

kiya un ke munh pe jo wasf-e-dahan

faqat ranjish is baat par ho gai

khuli KHwab-e-ghaflat se piri mein aankh

shab-e-naujawani sahar ho gai

lifafe par apna na likkha tha nam

KHata itni ai nama-bar ho gai

kiya hans ke sun kar sawal-e-visal

tumhein jurat ab is qadar ho gai

qadam rakhte hi khaDkhaDa mar richh

adu un ki zanjir-e-dar ho gai

ajal se koi kah de phir jae aap

masiha ko mere KHabar ho gai

na jhuTon bhi utna kisi ne kaha

shab-e-gham teri be-sahar ho gai

bure ya bhale haal guzri 'qalaq'

gharaz har tarah se basar ho gai