ye baat kyun nahin lagti bahut ajib tumhein

ye baat kyuuñ nahīñ lagtī bahut ajiib tumheñ

koī kisī ko pukāre javāb tak na mile

bas ik ḳhalish kā muqaddar sañvārne ke liye

savāl kyā kyā nikhāre javāb tak na mile

pas-e-navishta-e-taqdīr mājrā kyā thā

bujhā.e kis ne sitāre javāb tak na mile

agarche ham ne sadā.eñ ka.ī sunī thiiñ magar

pukārne pe hamāre javāb tak na mile

na ham the ġhār-nashīñ aur na tuur vaale the

kisī ko jab bhī pukāre javāb tak na mile

ye baat kyun nahin lagti bahut ajib tumhein

koi kisi ko pukare jawab tak na mile

bas ek KHalish ka muqaddar sanwarne ke liye

sawal kya kya nikhaare jawab tak na mile

pas-e-nawishta-e-taqdir majra kya tha

bujhae kis ne sitare jawab tak na mile

agarche hum ne sadaen kai suni thin magar

pukarne pe hamare jawab tak na mile

na hum the ghaar-nashin aur na tur wale the

kisi ko jab bhi pukare jawab tak na mile