un se karam ki rakh ummid unki ata se pyar kar

un se karam kī rakh ummīd un kī atā se pyaar kar

ai dil-e-mubtalā-e-ġham ġham ko bhī ḳhush-gavār kar

husn-e-yaqīn-e-āshiqī itnā tū pā.edār kar

ḳhud par bhī e'timād rakh un par bhī e'tibār kar

dil meñ jo mere zaḳhm meñ un kā na ab shumār kar

sīna-e-dāġh-dār ko aur bhī dāġh-dār kar

shorish-e-āgahī ke saath husn-e-shu.ūr shart hai

zauq-e-junūñ-navāz ab aur na sharmsār kar

tujh se hanūz hai nihāñ fikr kā ik nayā jahāñ

azm-o-amal se ziist ke husn ko āshkār kar

hāsil-e-kā.enāt the bas vahī zindagī ke din

ham terī bārgāh meñ aa.e haiñ jo guzār kar

sīna-e-tīrgī se hī phūTegī ek mauj-e-nūr

muntazir hayāt-e-nau sub.h kā intizār kar

dard-e-hayāt dard-e-dil dard-e-firāq dard-e-ġham

ye haiñ matā-e-lā-zavāl in se 'azīz' pyaar kar

un se karam ki rakh ummid un ki ata se pyar kar

ai dil-e-mubtala-e-gham gham ko bhi KHush-gawar kar

husn-e-yaqin-e-ashiqi itna tu paedar kar

KHud par bhi e'timad rakh un par bhi e'tibar kar

dil mein jo mere zaKHm mein un ka na ab shumar kar

sina-e-dagh-dar ko aur bhi dagh-dar kar

shorish-e-agahi ke sath husn-e-shuur shart hai

zauq-e-junun-nawaz ab aur na sharmsar kar

tujh se hanuz hai nihan fikr ka ek naya jahan

azm-o-amal se zist ke husn ko aashkar kar

hasil-e-kaenat the bas wahi zindagi ke din

hum teri bargah mein aae hain jo guzar kar

sina-e-tirgi se hi phuTegi ek mauj-e-nur

muntazir hayat-e-nau subh ka intizar kar

dard-e-hayat dard-e-dil dard-e-firaq dard-e-gham

ye hain mata-e-la-zawal in se 'aziz' pyar kar