ye bhi kya kam hai ki hum betab haalat mein rahe

ye bhī kyā kam hai ki ham betāb hālat meñ rahe

ban na paa.e kuchh bhī lekin dast-e-qudrat meñ rahe

ham ko āñkhoñ meñ basāyā vaqt ne mānind-e-ḳhvāb

aur ham ta.abīr ho jaane kī hasrat meñ rahe

ham ne sahrā ho ki gulshan ek jaisā kar diyā

jis Thikāne bhī rahe zanjīr-e-vahshat meñ rahe

ab sila husn-e-amal kā kyā milā kyā jāniye

raushnī the ham so sho.ale kī rifāqat meñ rahe

ḳhalvat-e-jāñ meñ baḌī fursat se aa baiThā hai ġham

arsa-e-fursat milā to ham bhī fursat meñ rahe

ye bhi kya kam hai ki hum betab haalat mein rahe

ban na pae kuchh bhi lekin dast-e-qudrat mein rahe

hum ko aankhon mein basaya waqt ne manind-e-KHwab

aur hum tabir ho jaane ki hasrat mein rahe

hum ne sahra ho ki gulshan ek jaisa kar diya

jis Thikane bhi rahe zanjir-e-wahshat mein rahe

ab sila husn-e-amal ka kya mila kya jaaniye

raushni the hum so shoale ki rifaqat mein rahe

KHalwat-e-jaan mein baDi fursat se aa baiTha hai gham

arsa-e-fursat mila to hum bhi fursat mein rahe