ye bhi mumkin hai use tujhse sarokar na ho

ye bhī mumkin hai use tujh se sarokār na ho

dil kisī aur hī uljhan meñ giraftār na ho

mujh ko ḳhush-hāl vo pā kar kahīñ be-zār na ho

kah do tum tāle-e-ḳhvābīda se bedār na ho

ham-rikāb aap haiñ girne kā hai phir ḳhauf kise

lutf tab hai ki koī raah bhī hamvār na ho

tere bismil kī duā.eñ bhī tire haq meñ haiñ

arsh kis taur se phir terā madad-gār na ho

kaun kahtā hai mujhe izn-e-rihā.ī mil jaa.e

ye sazā us ko sunā tujh se jise pyaar na ho

un kā ye zauq-e-masīhā.ī salāmat hai to dil

kaise mumkin ho ki zinda to ho bīmār na ho

aaj apnoñ kī taraf se jo nahīñ pursish-e-ġham

dekhnā ye bhī kahīñ sāzish-e-aġhyār na ho

ye bhi mumkin hai use tujh se sarokar na ho

dil kisi aur hi uljhan mein giraftar na ho

mujh ko KHush-haal wo pa kar kahin be-zar na ho

kah do tum tale-e-KHwabida se bedar na ho

ham-rikab aap hain girne ka hai phir KHauf kise

lutf tab hai ki koi rah bhi hamwar na ho

tere bismil ki duaen bhi tere haq mein hain

arsh kis taur se phir tera madad-gar na ho

kaun kahta hai mujhe izn-e-rihai mil jae

ye saza us ko suna tujh se jise pyar na ho

un ka ye zauq-e-masihai salamat hai to dil

kaise mumkin ho ki zinda to ho bimar na ho

aaj apnon ki taraf se jo nahin pursish-e-gham

dekhna ye bhi kahin sazish-e-aghyar na ho