ye bhi nahin ki tu hi simaTta chala gaya

ye bhī nahīñ ki tū hī simaTtā chalā gayā

maiñ ḳhud tirī nigāh se haTtā chalā gayā

dast-e-sitam ne jaur meñ koī kamī na kī

sar bhī sināñ kī nok pe DaTtā chalā gayā

dekhā palaT ke rashk-e-mah-o-mehr ne mujhe

maiñ 'aks-e-nīm-roz thā ghaTtā chalā gayā

chāhat fareb shā'irī ġham fikr-e-rozgār

kyā aadmī thā yaar ki baTtā chalā gayā

tā-'umr us ne saath nibhāne kī baat kī

sach pūchhiye to rāsta kaTtā chalā gayā

'hammād' sab nisāb the jīvan ke dastyāb

ḳhud maiñ kalām-e-'mīr' ko raTtā chalā gayā

ye bhi nahin ki tu hi simaTta chala gaya

main KHud teri nigah se haTta chala gaya

dast-e-sitam ne jaur mein koi kami na ki

sar bhi sinan ki nok pe DaTta chala gaya

dekha palaT ke rashk-e-mah-o-mehr ne mujhe

main 'aks-e-nim-roz tha ghaTta chala gaya

chahat fareb sha'iri gham fikr-e-rozgar

kya aadmi tha yar ki baTta chala gaya

ta-'umr us ne sath nibhane ki baat ki

sach puchhiye to rasta kaTta chala gaya

'hammad' sab nisab the jiwan ke dastyab

KHud main kalam-e-'mir' ko raTta chala gaya