ye buzdili thi hamari bahaduri na hui

ye buzdilī thī hamārī bahādurī na huī

hazār chāhā magar phir bhī ḳhud-kushī na huī

kuchh is tarah se ḳhayāloñ kī raushnī phailī

tumhārī zulf bhī bikhrī to tīrgī na huī

ye be-hisī thī rag-o-pai meñ apne vasl kī shab

hasīn paas rahe ham se dil-lagī na huī

vo tīrgī thī musallat fazā-e-ālam par

lahū ke diip jale phir bhī raushnī na huī

kisī ke dard ko maiñ jāntā bhalā kyuuñ kar

ḳhud apne dard se jab mujh ko āgahī na huī

pukāreñ 'faḳhr' kise dām-o-dad kise insāñ

jahāñ meñ ham ko to itnī tamīz bhī na huī

ye buzdili thi hamari bahaduri na hui

hazar chaha magar phir bhi KHud-kushi na hui

kuchh is tarah se KHayalon ki raushni phaili

tumhaari zulf bhi bikhri to tirgi na hui

ye be-hisi thi rag-o-pai mein apne wasl ki shab

hasin pas rahe hum se dil-lagi na hui

wo tirgi thi musallat faza-e-alam par

lahu ke dip jale phir bhi raushni na hui

kisi ke dard ko main jaanta bhala kyun kar

KHud apne dard se jab mujh ko aagahi na hui

pukaren 'faKHr' kise dam-o-dad kise insan

jahan mein hum ko to itni tamiz bhi na hui