ye dana-e-hawas tumhein haram kyun nahin raha

ye dāna-e-havas tumheñ harām kyuuñ nahīñ rahā

uḌaan kā vo shauq zer-e-dām kyuuñ nahīñ rahā

masāfatoñ kā phir vo ehtimām kyuuñ nahīñ rahā

safar darūn-e-zāt be-qayām kyuuñ nahīñ rahā

bikhar ga.ī hai shab to tīrgī kā raaj kyuuñ nahīñ

jo baam par thā vo mah-e-tamām kyuuñ nahīñ rahā

hamāre qatl par usūl-e-qatl-gah kā kuchh lihāz

salīb-o-dār kā bhī ehtimām kyuuñ nahīñ rahā

bhalā ye kaise maan leñ ki dil ko saaf kar liyā

jo sulh ho ga.ī to phir kalām kyuuñ nahīñ rahā

jo sho.abde the tere pīr-e-vaqt un kā kyā huā

atā-e-husn-o-ishq par davām kyuuñ nahīñ rahā

jo pairav-e-havā-e-nafs-o-banda-e-havas huā

use ye ġham vo vaqt kā imaam kyuuñ nahīñ rahā

diloñ ko jītne kī jo karāmateñ thiiñ kyā huiiñ

nazar nazar jo faiz thā vo aam kyuuñ nahīñ rahā

ye dana-e-hawas tumhein haram kyun nahin raha

uDan ka wo shauq zer-e-dam kyun nahin raha

masafaton ka phir wo ehtimam kyun nahin raha

safar darun-e-zat be-qayam kyun nahin raha

bikhar gai hai shab to tirgi ka raj kyun nahin

jo baam par tha wo mah-e-tamam kyun nahin raha

hamare qatl par usul-e-qatl-gah ka kuchh lihaz

salib-o-dar ka bhi ehtimam kyun nahin raha

bhala ye kaise man len ki dil ko saf kar liya

jo sulh ho gai to phir kalam kyun nahin raha

jo shoabde the tere pir-e-waqt un ka kya hua

ata-e-husn-o-ishq par dawam kyun nahin raha

jo pairaw-e-hawa-e-nafs-o-banda-e-hawas hua

use ye gham wo waqt ka imam kyun nahin raha

dilon ko jitne ki jo karamaten thin kya huin

nazar nazar jo faiz tha wo aam kyun nahin raha