ye daur-e-kam-nazaran hai to phir sila kaisa
ye daur-e-kam-nazarāñ hai to phir sila kaisā
ye apnā ahd hai is ahd kā gilā kaisā
bahut dinoñ se nahīñ mujh ko iztirāb-e-ġhazal
rukā huā hai ḳhayāloñ kā qāfila kaisā
kahāñ ye shaam kahāñ mere āshnā chehre
simaT rahā hai tasavvur meñ fāsla kaisā
kahāñ ye raat kahāñ terī bū-e-pairāhan
chalā thā aaj ḳhayāloñ kā silsila kaisā
ka.ī charāġh ka.ī sūrateñ ka.ī saa.e
guzar rahā hai na jaane ye qāfila kaisā
ye daur-e-kam-nazaran hai to phir sila kaisa
ye apna ahd hai is ahd ka gila kaisa
bahut dinon se nahin mujh ko iztirab-e-ghazal
ruka hua hai KHayalon ka qafila kaisa
kahan ye sham kahan mere aashna chehre
simaT raha hai tasawwur mein fasla kaisa
kahan ye raat kahan teri bu-e-pairahan
chala tha aaj KHayalon ka silsila kaisa
kai charagh kai suraten kai sae
guzar raha hai na jaane ye qafila kaisa
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
