ye daur kaisa hai ya-ilahi ki dost dushman se kam nahin hai

ye daur kaisā hai yā-ilāhī ki dost dushman se kam nahīñ hai

ḳhulūs-e-har-rahbar-e-zamāna fareb-e-rahzan se kam nahīñ hai

huā to hai be-naqāb koī nazar hai mahrūm-e-dīd phir bhī

naqāb se hai sivā tajallī jamāl-e-chilman se kam nahīñ hai

lagā ke ḳhūn-e-jigar kā Tiikā hai sāmne ġham ke sar-ba-sajda

sanam-parastī meñ tū bhī ai dil kisī barahman se kam nahīñ hai

qafas ki hai ab mirā Thikāna zarūr hogā tabāh ik din

ki bijliyoñ kī nazar meñ ye bhī mire nasheman se kam nahīñ hai

misāl-e-ḳhurshīd jalva-gar hai jigar kā har ek dāġh-e-tābāñ

nazāra kar merī shām-e-ġham kā jo sub.h-e-raushan se kam nahīñ hai

ye ḳhushk be-rañg ḳhaar fāzil mire liye haiñ guloñ se behtar

mirī nazar meñ mirā bayābāñ kisī ke gulshan se kam nahīñ hai

ye daur kaisa hai ya-ilahi ki dost dushman se kam nahin hai

KHulus-e-har-rahbar-e-zamana fareb-e-rahzan se kam nahin hai

hua to hai be-naqab koi nazar hai mahrum-e-did phir bhi

naqab se hai siwa tajalli jamal-e-chilman se kam nahin hai

laga ke KHun-e-jigar ka Tika hai samne gham ke sar-ba-sajda

sanam-parasti mein tu bhi ai dil kisi barahman se kam nahin hai

qafas ki hai ab mera Thikana zarur hoga tabah ek din

ki bijliyon ki nazar mein ye bhi mere nasheman se kam nahin hai

misal-e-KHurshid jalwa-gar hai jigar ka har ek dagh-e-taban

nazara kar meri sham-e-gham ka jo subh-e-raushan se kam nahin hai

ye KHushk be-rang KHar fazil mere liye hain gulon se behtar

meri nazar mein mera bayaban kisi ke gulshan se kam nahin hai