ye dil hi jaanta hai phir kahan kahan bhaTke

ye dil hī jāntā hai phir kahāñ kahāñ bhaTke

bichhaḌ ke tum se ham āḳhir kahāñ kahāñ bhaTke

hamāre paañv ke chhāle hī ye samajhte haiñ

ki tere pyaar kī ḳhātir kahāñ kahāñ bhaTke

tumhārī chāñd sī tasvīr ke tasavvur meñ

hameñ patā hai musavvir kahāñ kahāñ bhaTke

tumheñ patā hī nahīñ tum ko dekhne ke ba.ad

ġhazal ke naam se shā.ir kahāñ kahāñ bhaTke

ḳhudā hī jaane mire ḳhvāb bech dene ke ba.ad

mirī vafāoñ ke tājir kahāñ kahāñ bhaTke

kabhī jo ghar se na niklā ho us ko kyā ma.alūm

safar meñ kitne musāfir kahāñ kahāñ bhaTke

milā añdhere meñ jo kuchh ḳhudā banā Daalā

ḳhudā ko chhoḌ ke kāfir kahāñ kahāñ bhaTke

kahīñ qarār na aayā kahīñ sukūñ na milā

bichhaḌ ke ghar se muhājir kahāñ kahāñ bhaTke

ye dil hi jaanta hai phir kahan kahan bhaTke

bichhaD ke tum se hum aaKHir kahan kahan bhaTke

hamare panw ke chhaale hi ye samajhte hain

ki tere pyar ki KHatir kahan kahan bhaTke

tumhaari chand si taswir ke tasawwur mein

hamein pata hai musawwir kahan kahan bhaTke

tumhein pata hi nahin tum ko dekhne ke baad

ghazal ke nam se shair kahan kahan bhaTke

KHuda hi jaane mere KHwab bech dene ke baad

meri wafaon ke tajir kahan kahan bhaTke

kabhi jo ghar se na nikla ho us ko kya malum

safar mein kitne musafir kahan kahan bhaTke

mila andhere mein jo kuchh KHuda bana Dala

KHuda ko chhoD ke kafir kahan kahan bhaTke

kahin qarar na aaya kahin sukun na mila

bichhaD ke ghar se muhajir kahan kahan bhaTke