ye dil wo shisha hai jhamke hai wo pari jis mein

ye dil vo shīsha hai jhamke hai vo parī jis meñ

bharā hai mū-e-ba-mū sehr-e-sāmrī jis meñ

ye la.al-e-laḳht-e-jigar hai vo la.al-e-besh-bahā

ki kaam kartī nahīñ chashm-e-jauharī jis meñ

diyā hai maiñ ne dil aise ko aur pareshāñ huuñ

na mehr hai na mohabbat na dilbarī jis meñ

ḳhudā do-chār na ham se kare kabhī us ko

nikaltī ho tirī āñkhoñ se kāfirī jis meñ

haTe hai 'mānī' se lailā ki vo varaq to dikhā

likhī hai sūrat-e-majnūñ kī lāġharī jis meñ

ġhazab hai tū ne na dekhā vahī mirā dil thā

bañdhī huī thī tire tiir kī sirī jis meñ

kisī se kaam miyāñ-'mus.hafī' na kuchh rakhiye

vo kaam kījiye ho apnī behtarī jis meñ

ye dil wo shisha hai jhamke hai wo pari jis mein

bhara hai mu-e-ba-mu sehr-e-samri jis mein

ye lal-e-laKHt-e-jigar hai wo lal-e-besh-baha

ki kaam karti nahin chashm-e-jauhari jis mein

diya hai main ne dil aise ko aur pareshan hun

na mehr hai na mohabbat na dilbari jis mein

KHuda do-chaar na hum se kare kabhi us ko

nikalti ho teri aankhon se kafiri jis mein

haTe hai 'mani' se laila ki wo waraq to dikha

likhi hai surat-e-majnun ki laghari jis mein

ghazab hai tu ne na dekha wahi mera dil tha

bandhi hui thi tere tir ki siri jis mein

kisi se kaam miyan-'mushafi' na kuchh rakhiye

wo kaam kijiye ho apni behtari jis mein