ye duniya ajab rang-o-bu ka jahan hai yahan rang uDane ki koshish na karna

ye duniyā 'ajab rang-o-bū kā jahāñ hai yahāñ rang uḌāne kī koshish na karnā

ḳhabar pattī pattī ko mil kar rahegī koī gul khilāne kī koshish na karnā

agar rahnumā aap jaise hoñ apne to phir rahzanoñ kī zarūrat nahīñ hai

koī bhūlā-bhaTkā agar mil bhī jaa.e use rah pe laane kī koshish na karnā

bichhāte rahe raah meñ phuul ham to magar tum ne kāñTe hī bo.e hamesha

gunahgār haiñ muñh pe hī baat kah dī ab āñkheñ churāne kī koshish na karnā

sitāroñ ko bhī niiñd aane lagī hai ki ab raat bhī bhīgtī jā rahī hai

koī so gayā thaam kar ġham kā dāman use tum jagāne kī koshish na karnā

jahāñ sej phūloñ kī samjhī hai tum ne vahīñ har qadam par haiñ kāñTe hī kāñTe

mohabbat kī duniyā meñ haiñ 'ashk' aa.heñ yahāñ dil lagāne kī koshish na karnā

ye duniya 'ajab rang-o-bu ka jahan hai yahan rang uDane ki koshish na karna

KHabar patti patti ko mil kar rahegi koi gul khilane ki koshish na karna

agar rahnuma aap jaise hon apne to phir rahzanon ki zarurat nahin hai

koi bhula-bhaTka agar mil bhi jae use rah pe lane ki koshish na karna

bichhate rahe rah mein phul hum to magar tum ne kanTe hi boe hamesha

gunahgar hain munh pe hi baat kah di ab aankhen churane ki koshish na karna

sitaron ko bhi nind aane lagi hai ki ab raat bhi bhigti ja rahi hai

koi so gaya tham kar gham ka daman use tum jagane ki koshish na karna

jahan sej phulon ki samjhi hai tum ne wahin har qadam par hain kanTe hi kanTe

mohabbat ki duniya mein hain 'ashk' aahen yahan dil lagane ki koshish na karna