ye ek kaam bacha tha so wo bhi karne lage

ye ek kaam bachā thā so vo bhī karne lage

nafas nafas meñ udāsī ke jaam bharne lage

abhī to in ko murattab hī kar rahe the ham

ḳhayāl saf.ha-e-qirtās par bikharne lage

sitam-zarīfī-e-daurāñ bhī raas aane lagī

ye kis kī zulf ke saa.e meñ ham sañvarne lage

udaas nasloñ ko darkār hai ik aur safar

ruḳh-e-sahar pe shaboñ ke nuqūsh ubharne lage

musāfirān-e-taġhayyur haiñ kaise saada mizāj

hayāt-e-nau kī bashārat pe kaan dharne lage

bas itnā qissa hai āñkhoñ meñ ḳhvāb aane kā

uThe sañbhal ke chale aur phir Thaharne lage

ye ek kaam bacha tha so wo bhi karne lage

nafas nafas mein udasi ke jam bharne lage

abhi to in ko murattab hi kar rahe the hum

KHayal safha-e-qirtas par bikharne lage

sitam-zarifi-e-dauran bhi ras aane lagi

ye kis ki zulf ke sae mein hum sanwarne lage

udas naslon ko darkar hai ek aur safar

ruKH-e-sahar pe shabon ke nuqush ubharne lage

musafiran-e-taghayyur hain kaise sada mizaj

hayat-e-nau ki bashaarat pe kan dharne lage

bas itna qissa hai aankhon mein KHwab aane ka

uThe sanbhal ke chale aur phir Thaharne lage