ye fitrat hai chhupi rahti hai pahchani nahin jati

ye fitrat hai chhupī rahtī hai pahchānī nahīñ jaatī

jo ban jaatī hai 'ādat vo ba-āsānī nahīñ jaatī

havādis achchhī-ḳhāsī shaḳhsiyat ko toḌ dete haiñ

badal jaatī hai shakl aisī ki pahchānī nahīñ jaatī

anā ko naam de dete haiñ jo ḳhud-e'timādī kā

vo miT jaate haiñ lekin un kī man-mānī nahīñ jaatī

javāñ nasloñ meñ jab kam-mā.egī ghar karne lagtī hai

zamāne tak phir un kī ye pashemānī nahīñ jaatī

guzar jaate haiñ apnī jaan se jo qaum kī ḳhātir

akārat aise jāñ-bāzoñ kī qurbānī nahīñ jaatī

sahārā ġhair kā lene kī koshish mat karo yaaro

jo ḳhūgar is kā ho jaa.e tan-āsānī nahīñ jaatī

'vajāhat' is qadar khaa.e haiñ dhoke ham ne apnoñ se

bhulānā laakh chāheñ phir bhī hairānī nahīñ jaatī

ye fitrat hai chhupi rahti hai pahchani nahin jati

jo ban jati hai 'adat wo ba-asani nahin jati

hawadis achchhi-KHasi shaKHsiyat ko toD dete hain

badal jati hai shakl aisi ki pahchani nahin jati

ana ko nam de dete hain jo KHud-e'timadi ka

wo miT jate hain lekin un ki man-mani nahin jati

jawan naslon mein jab kam-maegi ghar karne lagti hai

zamane tak phir un ki ye pashemani nahin jati

guzar jate hain apni jaan se jo qaum ki KHatir

akarat aise jaan-bazon ki qurbani nahin jati

sahaara ghair ka lene ki koshish mat karo yaro

jo KHugar is ka ho jae tan-asani nahin jati

'wajahat' is qadar khae hain dhoke hum ne apnon se

bhulana lakh chahen phir bhi hairani nahin jati