ye hansi-KHushi ka mausam ye bahaar ka zamana

ye hañsī-ḳhushī kā mausam ye bahār kā zamāna

tire vāste haqīqat mire vāste fasāna

na sañbhal sakegī tujh se tirī zulf-e-tā-ba-shāna

maiñ abhī se dekhtā huuñ jo dikhā.egā zamāna

jo tirī zabāñ se niklā vahī ban gayā fasāna

mire dil kī dhaḌkanoñ se rahā be-ḳhabar zamāna

mirī ḳhānumāñ-ḳharābī kā jahāñ meñ hai fasāna

ye vo hādisa hai jis ko na bhulā sakā zamāna

maiñ nigāh-e-bāġhbāñ meñ koī aur ho gayā huuñ

abhī chaar din hue haiñ ki jalā hai āshiyāna

tujhe ai ġham-e-mohabbat idhar aa gale lagā luuñ

na tirā kahīñ guzar hai na mirā kahīñ Thikāna

maiñ huuñ vo ġharīb 'ājiz' ki guloñ kī anjuman meñ

mire pairahan ke TukḌoñ kā banā hai shāmiyāna

ye hansi-KHushi ka mausam ye bahaar ka zamana

tere waste haqiqat mere waste fasana

na sanbhal sakegi tujh se teri zulf-e-ta-ba-shana

main abhi se dekhta hun jo dikhaega zamana

jo teri zaban se nikla wahi ban gaya fasana

mere dil ki dhaDkanon se raha be-KHabar zamana

meri KHanuman-KHarabi ka jahan mein hai fasana

ye wo hadisa hai jis ko na bhula saka zamana

main nigah-e-baghban mein koi aur ho gaya hun

abhi chaar din hue hain ki jala hai aashiyana

tujhe ai gham-e-mohabbat idhar aa gale laga lun

na tera kahin guzar hai na mera kahin Thikana

main hun wo gharib 'ajiz' ki gulon ki anjuman mein

mere pairahan ke TukDon ka bana hai shamiyana