ye hawa kaisi chali barham zamana ho gaya

ye havā kaisī chalī barham zamāna ho gayā

hāl-e-dehlī bazm-e-ālam meñ fasāna ho gayā

dil kisī fard-e-bashar kā ḳhālī is ġham se nahīñ

ġham ye shaa.e kū-ba-kū ḳhāna-ba-ḳhāna ho gayā

har sar-e-mizhgāñ na ho favvāra-e-ḳhūñ kis tarah

ġham-zadoñ ke dil meñ jab ġham kā ḳhazāna ho gayā

ek ho to roiye kis kis ko ro.eñ yaad kar

dekh kar us hādisa ko dil dīvāna ho gayā

dekhte hī dekhte āñkhoñ meñ aage apne yaañ

dam ke dam meñ aur hī kuchh kārḳhāna ho gayā

aah gulgūn-e-bahār-e-gulshan dehlī ko 'aish'

mauja-e-bād-e-ḳhizāñ kyā tāziyāna ho gayā

ye hawa kaisi chali barham zamana ho gaya

haal-e-dehli bazm-e-alam mein fasana ho gaya

dil kisi fard-e-bashar ka KHali is gham se nahin

gham ye shae ku-ba-ku KHana-ba-KHana ho gaya

har sar-e-mizhgan na ho fawwara-e-KHun kis tarah

gham-zadon ke dil mein jab gham ka KHazana ho gaya

ek ho to roiye kis kis ko roen yaad kar

dekh kar us hadisa ko dil diwana ho gaya

dekhte hi dekhte aankhon mein aage apne yan

dam ke dam mein aur hi kuchh karKHana ho gaya

aah gulgun-e-bahaar-e-gulshan dehli ko 'aish'

mauja-e-baad-e-KHizan kya taziyana ho gaya