ye hawaen aur ye baadal sab mere qabu mein hai

ye havā.eñ aur ye bādal sab mire qaabū meñ hai

maan le ye baat pāgal sab mire qaabū meñ hai

tū yahāñ se to chalā jā.egā ai ḳhāna-ba-dosh

ye havā ye aag jal thal sab mire qaabū meñ hai

tujh ko maiñ ne jo dikhā.ī vo thiiñ saarī bastiyāñ

ab dikhā.ūñgā maiñ jangal sab mire qaabū meñ hai

maiñ jo chāhūñ to use majbūr kar duuñ 'ishq meñ

us kī sāñseñ us kā har pal sab mire qaabū meñ hai

ye rahe haiñ peḌ pakshī ye rahī aadam kī zaat

aur zarā ab saath meñ chal sab mire qaabū meñ hai

ye jahāñ aur vo jahāñ donoñ hai merī dāsiyāñ

saath kis ke hogā kyā kal sab mire qaabū meñ hai

vo to kahtā hai ulaT saktā hai saarī kā.enāt

pūchho to kahtā hai pāgal sab mire qaabū meñ hai

maiñ huuñ sailāb-e-ravāñ 'arpit' kabhī miTTī kā Dher

ye samundar aur ye daldal sab mire qaabū meñ hai

ye hawaen aur ye baadal sab mere qabu mein hai

man le ye baat pagal sab mere qabu mein hai

tu yahan se to chala jaega ai KHana-ba-dosh

ye hawa ye aag jal thal sab mere qabu mein hai

tujh ko main ne jo dikhai wo thin sari bastiyan

ab dikhaunga main jangal sab mere qabu mein hai

main jo chahun to use majbur kar dun 'ishq mein

us ki sansen us ka har pal sab mere qabu mein hai

ye rahe hain peD pakshi ye rahi aadam ki zat

aur zara ab sath mein chal sab mere qabu mein hai

ye jahan aur wo jahan donon hai meri dasiyan

sath kis ke hoga kya kal sab mere qabu mein hai

wo to kahta hai ulaT sakta hai sari kaenat

puchho to kahta hai pagal sab mere qabu mein hai

main hun sailab-e-rawan 'arpit' kabhi miTTi ka Dher

ye samundar aur ye daldal sab mere qabu mein hai