ye ibtida hai koi iKHtitam thoDi hai

ye ibtidā hai koī iḳhtitām thoḌī hai

hai shām-e-vasl bichhaḌne kī shaam thoḌī hai

abhī to aa.e ho jaane kī baat karte ho

mohabbatoñ se baḌā koī kaam thoḌī hai

sabhī ko jaanā hai duniyā ko chhoḌ kar ik din

kisī bashar ko bhī hāsil davām thoḌī hai

jahāñ meñ nafrateñ bāñTo kisī kā qatl karo

tumhāre vāste kuchh bhī harām thoḌī hai

tirī nazar kā hī saaqī huuñ bas maiñ dīvāna

mirī nazar meñ surāhī-o-jām thoḌī hai

vafā kisī ko mayassar hī kab huī hai yahāñ

jo hukmrāñ hai vo rāvan hai raam thoḌī hai

bahut se logoñ ne ham par sitam kiye haiñ 'malik'

hamāre lab pe kisī kā bhī naam thoḌī hai

ye ibtida hai koi iKHtitam thoDi hai

hai sham-e-wasl bichhaDne ki sham thoDi hai

abhi to aae ho jaane ki baat karte ho

mohabbaton se baDa koi kaam thoDi hai

sabhi ko jaana hai duniya ko chhoD kar ek din

kisi bashar ko bhi hasil dawam thoDi hai

jahan mein nafraten banTo kisi ka qatl karo

tumhaare waste kuchh bhi haram thoDi hai

teri nazar ka hi saqi hun bas main diwana

meri nazar mein surahi-o-jam thoDi hai

wafa kisi ko mayassar hi kab hui hai yahan

jo hukmran hai wo rawan hai ram thoDi hai

bahut se logon ne hum par sitam kiye hain 'malik'

hamare lab pe kisi ka bhi nam thoDi hai