ye ek makan isko na chhat hai na dar ise

ye ik makān is ko na chhat hai na dar ise

kyā chāhtā hai mujh se koī chhīn kar ise

harf-e-talab tavīl nihāyat tavīl thā

so ham ne kar liyā hai bahut muḳhtasar ise

shohrat kī ye qabā ki abhī hai abhī nahīñ

rakkho lahū ko garm-e-safar pheñk kar ise

ye jhuuT jhuuT hī ke sivā aur kuchh nahīñ

itrā rahe the ham bhī kabhī oḌh kar ise

ye zāviya nigāh kā yūñhī nahīñ banā

sadiyoñ tarāshtī rahī merī nazar ise

ye ik suḳhan ki yūñhī nahīñ mehrbāñ huā

puujā hai devtā kī tarah 'umr bhar ise

ab bhī mire ḳhilāf hai ḳhud zindagī mirī

ab tak maiñ lā sakā na mirī raah par ise

'vasfī' jadīdiyat koī gaalī hai vāqa'ī

phir kyoñ burā samajhte haiñ kuchh dīda-var ise

ye ek makan is ko na chhat hai na dar ise

kya chahta hai mujh se koi chhin kar ise

harf-e-talab tawil nihayat tawil tha

so hum ne kar liya hai bahut muKHtasar ise

shohrat ki ye qaba ki abhi hai abhi nahin

rakkho lahu ko garm-e-safar phenk kar ise

ye jhuT jhuT hi ke siwa aur kuchh nahin

itra rahe the hum bhi kabhi oDh kar ise

ye zawiya nigah ka yunhi nahin bana

sadiyon tarashti rahi meri nazar ise

ye ek suKHan ki yunhi nahin mehrban hua

puja hai dewta ki tarah 'umr bhar ise

ab bhi mere KHilaf hai KHud zindagi meri

ab tak main la saka na meri rah par ise

'wasfi' jadidiyat koi gali hai waqa'i

phir kyon bura samajhte hain kuchh dida-war ise