ye in dinon jo humse itni rukhaiyan hain

ye in dinoñ jo ham se itnī rukhā.iyāñ haiñ

shāyad kisī ne bāteñ kuchh kuchh sujhā.iyāñ haiñ

ai andalīb sach kah kyā fasl-e-gul phir aa.ī

faujeñ junūñ kī ham par kaisī chaḌhā.iyāñ haiñ

kis be-adab ne tum se gul-bāzī aaj kī hai

muñh par tumhāre choTeñ kyā saḳht ā.iyāñ haiñ

dīvār-o-dar kī chhātī sūrāḳh ho ga.ī hai

kyā rauzanoñ se us ne āñkheñ laḌā.iyāñ haiñ

paivasta abrū us kī maiñ dekh kar ye samjhā

do shāḳheñ haiñ ki jhuk kar milne ko ā.iyāñ haiñ

ye in dinon jo hum se itni rukhaiyan hain

shayad kisi ne baaten kuchh kuchh sujhaiyan hain

ai andalib sach kah kya fasl-e-gul phir aai

faujen junun ki hum par kaisi chaDhaiyan hain

kis be-adab ne tum se gul-bazi aaj ki hai

munh par tumhaare choTen kya saKHt aaiyan hain

diwar-o-dar ki chhati suraKH ho gai hai

kya rauzanon se us ne aankhen laDaiyan hain

paiwasta abru us ki main dekh kar ye samjha

do shaKHen hain ki jhuk kar milne ko aaiyan hain