ye ishq-wishq kawish-e-be-sud hai ai dost

ye ishq-vishq kāvish-e-be-sūd hai ai dost

aisī hai ye ḳhushī ki jo mahdūd hai ai dost

karne lagā hai kis kī parastish tū āj-kal

kyā ab tirā nayā koī ma.abūd hai ai dost

jo kal talak thā haal vo maazī hai ab mirā

barsoñ se thā jo ast vo ab buud hai ai dost

qīmat chukā rahā huuñ maiñ qistoñ meñ ishq kī

ye āshiqī hai yā ki koī suud hai ai dost

vo jo hazāroñ saal rahā āshiq-e-ḳhudā

vo bhī hazāroñ saal se mardūd hai ai dost

ik dūsre ke ghar meñ lagāne lage haiñ aag

har koī is jahān meñ namrūd hai ai dost

apnoñ meñ aur ġhair meñ kyā farq rah gayā

sab kī zabān zahr se ālūd hai ai dost

ye ishq-wishq kawish-e-be-sud hai ai dost

aisi hai ye KHushi ki jo mahdud hai ai dost

karne laga hai kis ki parastish tu aaj-kal

kya ab tera naya koi mabud hai ai dost

jo kal talak tha haal wo mazi hai ab mera

barson se tha jo ast wo ab bud hai ai dost

qimat chuka raha hun main qiston mein ishq ki

ye aashiqi hai ya ki koi sud hai ai dost

wo jo hazaron sal raha aashiq-e-KHuda

wo bhi hazaron sal se mardud hai ai dost

ek dusre ke ghar mein lagane lage hain aag

har koi is jahan mein namrud hai ai dost

apnon mein aur ghair mein kya farq rah gaya

sab ki zaban zahr se aalud hai ai dost