ye jal jate hain lab tak aah bhi aane nahin dete

ye jal jaate haiñ lab tak aah bhī aane nahīñ dete

madad ke vāste āvāz parvāne nahīñ dete

kahīñ par zikr un kā bhī na aa jaa.e isī Dar se

vo rūdād-e-mohabbat ham ko dohrāne nahīñ dete

mire bachche bhī merī hī tarah ḳhuddār haiñ shāyad

ḳhayāl-e-muflisī mujh ko kabhī aane nahīñ dete

chale ho mai-kasho piine magar tum hosh mat khonā

kisī ko rāsta ghar kā ye maiḳhāne nahīñ dete

vo jis ke husn kī tārīḳh tum ne ḳhud hī likkhī thī

vahī tasvīr kyuuñ duniyā ko dikhlāne nahīñ dete

'vasīm' ansār ne aise sitam Dhaa.e muhājir par

ki ham hijrat kā lab par naam bhī aane nahīñ dete

ye jal jate hain lab tak aah bhi aane nahin dete

madad ke waste aawaz parwane nahin dete

kahin par zikr un ka bhi na aa jae isi Dar se

wo rudad-e-mohabbat hum ko dohrane nahin dete

mere bachche bhi meri hi tarah KHuddar hain shayad

KHayal-e-muflisi mujh ko kabhi aane nahin dete

chale ho mai-kasho pine magar tum hosh mat khona

kisi ko rasta ghar ka ye maiKHane nahin dete

wo jis ke husn ki tariKH tum ne KHud hi likkhi thi

wahi taswir kyun duniya ko dikhlane nahin dete

'wasim' ansar ne aise sitam Dhae muhajir par

ki hum hijrat ka lab par nam bhi aane nahin dete