ye jo ek lahr mein aankhon ne uchhaala pani

ye jo ik lahr meñ āñkhoñ ne uchhālā paanī

aisā lagtā hai bahut dil ne sañbhālā paanī

ham ko is manzil-e-mushkil se guzarne ke liye

chāhiyeñ phuul tamannā.eñ ujālā paanī

ek paanī ko nazar kuchh bhī nahīñ aatā hai

ek hotā hai miyāñ dekhne vaalā paanī

chāñdnī raat meñ us jhiil kināre koī pal

tum ne dekhā hī nahīñ dekhne vaalā paanī

ham ko is kār-gah-e-hast meñ jiine ke liye

aur kyā chāhiye bas ek nivālā paanī

yaad karte haiñ tujhe ashk bahā lete haiñ

ham ne ai jaan tirī yaad meñ Dhālā paanī

ab na āñkheñ haiñ na dil hai na tirī yādeñ haiñ

aise kartā hai har ik shai tah-o-bālā paanī

ye jo ek lahr mein aankhon ne uchhaala pani

aisa lagta hai bahut dil ne sanbhaala pani

hum ko is manzil-e-mushkil se guzarne ke liye

chahiyen phul tamannaen ujala pani

ek pani ko nazar kuchh bhi nahin aata hai

ek hota hai miyan dekhne wala pani

chandni raat mein us jhil kinare koi pal

tum ne dekha hi nahin dekhne wala pani

hum ko is kar-gah-e-hast mein jine ke liye

aur kya chahiye bas ek niwala pani

yaad karte hain tujhe ashk baha lete hain

hum ne ai jaan teri yaad mein Dhaala pani

ab na aankhen hain na dil hai na teri yaaden hain

aise karta hai har ek shai tah-o-baala pani