ye jo surahi jam ghaDe hain janab-e-man

ye jo surāhī jaam ghaḌe haiñ janāb-e-man

ḳhālī kisī sabab se paḌe haiñ janāb-e-man

vā'doñ ke jis maqām pe chhoḌā thā aap ne

ham aaj tak vahīñ pe khaḌe haiñ janāb-e-man

daulat nahīñ to kyā hai mirī shā'irī to hai

har har ġhazal meñ motī juḌe haiñ janāb-e-man

ye jo machī hai baañs ke jangal meñ khalbalī

ham jogiyoñ ko saañp laḌe haiñ janāb-e-man

ginvā rahe the 'aib mire thoḌī der qabl

ab sharm se zamīñ meñ gaḌe haiñ janāb-e-man

kaj-bahsiye bhī fahm-o-farāsat meñ kam nahīñ

shā'ir bhī aap jaise baḌe haiñ janāb-e-man

rāh-e-junūñ meñ saath muqaddar hī de to de

ye marhale hanūz kaḌe haiñ janāb-e-man

aisā nahīñ ki phuul daraḳhtoñ hī se gire

kuchh shāḳh-e-chashm se bhī jhaḌe haiñ janāb-e-man

yā to mushā'ire ko uThātā hai ye faqīr

yā vo ki jin ke baal baḌe haiñ janāb-e-man

ikrām jhūlte haiñ mohabbat ke peḌ se

kuchh din se shāḳh-e-dil pe aḌe haiñ janāb-e-man

ye jo surahi jam ghaDe hain janab-e-man

KHali kisi sabab se paDe hain janab-e-man

wa'don ke jis maqam pe chhoDa tha aap ne

hum aaj tak wahin pe khaDe hain janab-e-man

daulat nahin to kya hai meri sha'iri to hai

har har ghazal mein moti juDe hain janab-e-man

ye jo machi hai bans ke jangal mein khalbali

hum jogiyon ko sanp laDe hain janab-e-man

ginwa rahe the 'aib mere thoDi der qabl

ab sharm se zamin mein gaDe hain janab-e-man

kaj-bahsiye bhi fahm-o-farasat mein kam nahin

sha'ir bhi aap jaise baDe hain janab-e-man

rah-e-junun mein sath muqaddar hi de to de

ye marhale hanuz kaDe hain janab-e-man

aisa nahin ki phul daraKHton hi se gire

kuchh shaKH-e-chashm se bhi jhaDe hain janab-e-man

ya to musha'ire ko uThata hai ye faqir

ya wo ki jin ke baal baDe hain janab-e-man

ikram jhulte hain mohabbat ke peD se

kuchh din se shaKH-e-dil pe aDe hain janab-e-man