ye kaam jigar ka hai digar kaun karega

ye kaam jigar kā hai digar kaun karegā

ai teġh tujhe ḳhuun se tar kaun karegā

tujh se baḌī ummīd thī ai tarz-e-taġhāful

is dil pe tavajjoh kī nazar kaun karegā

is samt to jalvoñ ke paḌe rahte haiñ parde

ai dil nigah-e-shauq idhar kaun karegā

ab paañv meñ chhāle haiñ na hī raah meñ kāñTe

aise meñ bhalā 'azm-e-safar kaun karegā

ye kaisī havā hai ki bujhā jaatā hai tū bhī

ab raushnī-e-dāġh-e-jigar kaun karegā

ai chāragaro aur koī pal to Thahar jaao

un ko mire marne kī ḳhabar kaun karegā

zulmat ne asīroñ kā galā ghoñT diyā hai

ab haa.e sahar haa.e sahar kaun karegā

'kausar' nigah-e-shauq kī taskīn kī ḳhātir

us mehr-e-munavvar pe nazar kaun karegā

ye kaam jigar ka hai digar kaun karega

ai tegh tujhe KHun se tar kaun karega

tujh se baDi ummid thi ai tarz-e-taghaful

is dil pe tawajjoh ki nazar kaun karega

is samt to jalwon ke paDe rahte hain parde

ai dil nigah-e-shauq idhar kaun karega

ab panw mein chhaale hain na hi rah mein kanTe

aise mein bhala 'azm-e-safar kaun karega

ye kaisi hawa hai ki bujha jata hai tu bhi

ab raushni-e-dagh-e-jigar kaun karega

ai chaaragaro aur koi pal to Thahar jao

un ko mere marne ki KHabar kaun karega

zulmat ne asiron ka gala ghonT diya hai

ab hae sahar hae sahar kaun karega

'kausar' nigah-e-shauq ki taskin ki KHatir

us mehr-e-munawwar pe nazar kaun karega