ye kab kaha hai humne sajda nahin karenge

ye kab kahā hai ham ne sajda nahīñ kareñge

tum jis kā chāhte ho us kā nahīñ kareñge

tum chāhte agar ho ham zid nahīñ kareñ to

tum bhī karo ye vā'da naḳhrā nahīñ kareñge

ik dostī meñ ham ne dil aur jaañ luTā dī

socho ki ishq meñ ham kyā kyā nahīñ kareñge

tum maano yā na maano sab se nayā hai dhokā

un kā ye tum se kahnā dhokā nahīñ kareñge

paisa dikhā ke us ne bolā karo ġhulāmī

ġhairat dikhā ke ham ne bolā nahīñ kareñge

lab ko milā ke lab se karnī haiñ dil kī bāteñ

nārāz ho ga.iiñ kyā achchhā nahīñ kareñge

dil chāhtā hai tum par kar leñ yaqīn lekin

vo jitnā chāhtā hai utnā nahīñ kareñge

mushkil bahut hai 'shekhar' phir se na dil lagā.eñ

koshish bhale hī kar leñ vā'da nahīñ kareñge

ye kab kaha hai hum ne sajda nahin karenge

tum jis ka chahte ho us ka nahin karenge

tum chahte agar ho hum zid nahin karen to

tum bhi karo ye wa'da naKHra nahin karenge

ek dosti mein hum ne dil aur jaan luTa di

socho ki ishq mein hum kya kya nahin karenge

tum mano ya na mano sab se naya hai dhoka

un ka ye tum se kahna dhoka nahin karenge

paisa dikha ke us ne bola karo ghulami

ghairat dikha ke hum ne bola nahin karenge

lab ko mila ke lab se karni hain dil ki baaten

naraaz ho gain kya achchha nahin karenge

dil chahta hai tum par kar len yaqin lekin

wo jitna chahta hai utna nahin karenge

mushkil bahut hai 'shekhar' phir se na dil lagaen

koshish bhale hi kar len wa'da nahin karenge