ye kab se daftar-e-ushshaq mein hai nam mera

ye kab se daftar-e-ushshāq meñ hai naam mirā

likhā thā kilk-e-azal ne tujhe salām mirā

zabāñ pe rashk se kab aa sakegā naam mirā

kaheñge hazrat-e-mūsā bhalā salām mirā

yahāñ hai nīm-nigah kā bhī shukriya lab par

namak-harām nahīñ zaḳhm-e-nā-tamām mirā

ḳhayāl-e-rū-e-munavvar hai matl.a-e-ḳhurshīd

falak se kartā hai bāteñ charāġh-e-shām mirā

itaab bā.is-e-nākāmī-e-tamanna thā

nigāh-e-lutf magar kar rahī hai kaam mirā

ilāhī ho mirī hastī kā ishq se āġhāz

qudūm-e-ḳhatm-e-rusul par ho iḳhtitām mirā

ḳhudā ke vāste uTTho kahāñ talak ġhaflat

masīh karte haiñ kuchh aur ehtimām mirā

mai-e-alast se labrez sāġhar-e-dil hai

ghaTe baḌhe na surūr-e-'aladdavām mirā

falak samajhtā hai kuchh khel nāla-e-dil kā

lage na aag to 'sho.ala' nahīñ hai naam mirā

ye kab se daftar-e-ushshaq mein hai nam mera

likha tha kilk-e-azal ne tujhe salam mera

zaban pe rashk se kab aa sakega nam mera

kahenge hazrat-e-musa bhala salam mera

yahan hai nim-nigah ka bhi shukriya lab par

namak-haram nahin zaKHm-e-na-tamam mera

KHayal-e-ru-e-munawwar hai matla-e-KHurshid

falak se karta hai baaten charagh-e-sham mera

itab bais-e-nakaami-e-tamanna tha

nigah-e-lutf magar kar rahi hai kaam mera

ilahi ho meri hasti ka ishq se aaghaz

qudum-e-KHatm-e-rusul par ho iKHtitam mera

KHuda ke waste uTTho kahan talak ghaflat

masih karte hain kuchh aur ehtimam mera

mai-e-alast se labrez saghar-e-dil hai

ghaTe baDhe na surur-e-'aladdawam mera

falak samajhta hai kuchh khel nala-e-dil ka

lage na aag to 'shoala' nahin hai nam mera