ye kahan se hum gae hain kahan kahen kya teri tag-o-taz mein

ye kahāñ se ham ga.e haiñ kahāñ kaheñ kyā tirī tag-o-tāz meñ

ki ye āsmān-o-zamīñ jahāñ na nasheb meñ na farāz meñ

tū darūn-e-ḳhāna barūn-e-dar tū hazār pardoñ meñ jalva-gar

are o haqīqat-e-parda-var tirī shoḳhiyāñ meñ majāz meñ

vahī aa.e arsh se farsh tak vahī chhā.e farsh se arsh tak

mile aise zarre hazār-hā hameñ ḳhāk-e-rāh-e-majāz meñ

kahīñ tez hai kahīñ narm hai yahī aañch mutrib-e-ḳhush-navā

mire naale meñ tire naġhme meñ mire soz meñ tire saaz meñ

tire sajde meñ vo mazā milā ki taḌap ke siine se aa rahā

koī daaġh hai ki hai dil mirā ye mirī jabīn-e-niyāz meñ

ye uḌā.eñge kabhī rañg bhī ye dikhā.eñge kabhī rañg bhī

yahī lā.eñge kabhī rañg bhī jo rañgeñ haiñ rañg-e-majāz meñ

ghaḌī jis kī hashr kā ek din shab-gor jis kā har ek pal

vo maze haiñ hasrat-e-marg meñ jo ḳhizr kī umr-e-darāz meñ

use laag ishq kī kahte haiñ use aag ishq kī kahte haiñ

na junūn hai ye junūn meñ na koī ye raaz hai raaz meñ

jinheñ log kahte haiñ duzd-e-mai vo ḳhudā-parast 'riyāz' haiñ

ye sunā hai kal ki janāb hī pas-e-ḳhum the mahv namāz meñ

ye kahan se hum gae hain kahan kahen kya teri tag-o-taz mein

ki ye aasman-o-zamin jahan na nasheb mein na faraaz mein

tu darun-e-KHana barun-e-dar tu hazar pardon mein jalwa-gar

are o haqiqat-e-parda-war teri shoKHiyan mein majaz mein

wahi aae arsh se farsh tak wahi chhae farsh se arsh tak

mile aise zarre hazar-ha hamein KHak-e-rah-e-majaz mein

kahin tez hai kahin narm hai yahi aanch mutrib-e-KHush-nawa

mere nale mein tere naghme mein mere soz mein tere saz mein

tere sajde mein wo maza mila ki taDap ke sine se aa raha

koi dagh hai ki hai dil mera ye meri jabin-e-niyaz mein

ye uDaenge kabhi rang bhi ye dikhaenge kabhi rang bhi

yahi laenge kabhi rang bhi jo rangen hain rang-e-majaz mein

ghaDi jis ki hashr ka ek din shab-gor jis ka har ek pal

wo maze hain hasrat-e-marg mein jo KHizr ki umr-e-daraaz mein

use lag ishq ki kahte hain use aag ishq ki kahte hain

na junun hai ye junun mein na koi ye raaz hai raaz mein

jinhen log kahte hain duzd-e-mai wo KHuda-parast 'riyaz' hain

ye suna hai kal ki janab hi pas-e-KHum the mahw namaz mein